Пауло Дибала извонредно ја стартуваше сезоната, но потоа изненадувачки последните неколку средби на „старата дама“ ги почна на клупата за резерви, вклучувајќи го тука и големото дерби со Интер. Тренерот Алегри во јавноста истакна дека е незадоволен што Дибала премалку трча и помага во фазата од одбраната, но според италијанските медиуми вистината е сосема поинаква, а главен виновник за новонастанатата ситуација е братот на Пауло, Мариан Дибала.
Имено, аргентинскиот ас пред извесно време го именувал Мариан за свој агентот, а братот веднаш си доби на значење и почна да разговара со дел од најголемите европски клубови. Тој пред петнаесетина дена заминал за Париз и имал кратка средба со раководството на ПСЖ, со што го навлекол на себе бесот на Јувентус.
Италијанскиот првак јасно ставил до знаење дека нема да толерира таков однос, а одговорот е јасен – Пауло Дибала последните средби ги следи од клупата за резерви. Се очекува ситуацијата да се смени и Аргентинецот од 2018 повторно да биде стартер на Јуве, но останува да се види дали неговиот брат ја научил лекцијата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
