Флоријан Вирц го воодушеви фудбалскиот свет со своите настапи во Баер Леверкузен минатата сезона кога ја освои двојната круна со овој тим. Уште минатото лето, многу клубови сакаа да го доведат, но тој одлучи да остане уште една сезона во Леверкузен.
Иако се чинеше дека Реал Мадрид е најверојатната опција за неговиот потпис ова лето, Баерн и Манчестер Сити интервенираа во сè и покажаа дека финансиски можат многу добро да се справат со понудата на кралскиот клуб.
Фактот дека Чаби Алонсо речиси сигурно ќе биде новиот тренер на Реал Мадрид, а очекувањата дека Вирц ќе го следи од Леверкузен, очигледно нема да се остварат.
Германските медиуми пишуваат дека најверојатната опција е Вирц да потпише за Баерн во трансфер кој ќе изнесува околу 150 милиони евра. Вирц и неговото семејство одлучија дека сè уште не е време да замине во странство и дека потпишувањето за Баерн е исто така голем чекор напред за него во неговата кариера, а најважно од сè, тој ќе остане во Германија.
Баварците успеаја да го убедат дека се најдобрата опција за него и како што стојат работите, сигурно ќе го видиме Вирц во дресот на клубот од Минхен од лето.
Uli Hoeneß is trying to convince Adidas to help with the financing of a potential Florian Wirtz transfer to FC Bayern. Wirtz is an Adidas athlete, and for them the prospect of him joining an Adidas sponsored club is attractive, especially since Bayer Leverkusen are getting New… pic.twitter.com/gPcrNeS21k
— Bayern & Germany (@iMiaSanMia) May 8, 2025
Исто така, угледниот „Билд“ откри дека Баерн има посебен ас во ракавот кога е во прашање трансферот на Вирц и тоа им помогна конечно да го убедат младиот играч од средниот ред да одлучи да дојде на „Алијанц Арена“.
„Билд“ пишува дека Ули Хенес одиграл клучна улога бидејќи во сè го вклучил најголемиот спонзор на Баерн, Адидас, кој е и спонзор на младиот играч. Хенес верува дека за Вирц е добитна ситуација да дојде во клубот каде што Адидас инвестира најмногу, со што се согласуваат и во таа компанија. Иако „Адидас“ е и спонзор на Реал Мадрид, јасно е дека тие имаат посебен однос со Баерн бидејќи нивната соработка трае со децении.
Баерн сака да го официјализира доаѓањето на Вирц веднаш по завршувањето на сезоната бидејќи е свесен дека Реал и Сити нема да се откажат толку лесно, а не сака младиот играч да се предомисли.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
