Загубата на Марк Гехи, кој се согласи на трансфер во Манчестер Сити овој јануари, го стави Ливерпул во непријатна позиција. Ибрахима Конате е без договор на крајот од сезоната и прашањето е дали ќе го продолжи иако наводно има понуда на маса. Не може да се каже дека е во добра форма ниту оваа сезона, иако истото важи и за Вирџил ван Дајк.
Италијанецот Џовани Леони ќе отсуствува цела сезона поради скинати лигаменти на коленото, а уште еден врвен стопер во ротацијата е од суштинско значење.
Затоа, клубот покажа интерес за уште еден играч од „чизмата“ – Алесандро Бастони. Оваа информација ја објави доверлив инсајдер Дејвид Орнштајн со напомена дека понудата сè уште не е испратена, туку дека тој е интересен само за спортскиот сектор на Ливерпул.
Бастони со години е еден од најдобрите европски стопери, а неговиот договор со Интер истекува во 2028 година. Со оглед на тоа што тимот го очекуваат многу промени во играчкиот кадар на лето, Интер нема толку лесно да биде лишен од услугите на човек кој е столб на одбраната.
Во овој момент Интер бара премногу пари за него, се споменува сума од 80 милиони евра, па така после скапите трансфери минатото лето, „црвените“ повеќе нема да ризикуваат со прескапи фудбалери за засилувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
