Македонија за првпат во својата историја ќе се соочи со репрезентацијата на Бугарија на едно официјално натпреварување под капата на УЕФА. Денешната ждрепка одлучи Македонија да биде во групата 4 од Ц-Лигата на нациите заедно со Бугарија, и со селекциите на Грузија и Гибралтар.
Но, иако немаме официјални натпревари, македонската репрезентација досега има дури седум пријателски натпревари со Бугарија, согласно кои традицијата е на страната на источниот сосед. Македонија има само две победи од пресметките со Бугарите, едно реми и четири порази, со негативна гол-разлика од 3-7.
Последниот меѓусебен меч е од 2016 година кога во Скопје загубивме со 2-0.
Претходно, пак, во август 2013 година на тестот во Скопје славевме со 2-0 со головите на Агим Ибраими од пенал во 83. минута и на Александар Трајковски во 86. минута.
СИТЕ ПРИЈАТЕЛСКИ НАТПРЕВАРИ СО БУГАРИЈА
29. март 2016: МАКЕДОНИЈА – Бугарија 0-2
14. август 2013: МАКЕДОНИЈА – Бугарија 2-0 (Стрелци: Ибраими 83′(п), Трајковски 86′)
1. март 2006: МАКЕДОНИЈА – Бугарија 0-1
15. август 2001: Бугарија – МАКЕДОНИЈА 1-0
25. март 1998: МАКЕДОНИЈА – Бугарија 1-0
28. мај 1996: Бугарија – МАКЕДОНИЈА 3-0
12. април 1995: МАКЕДОНИЈА – Бугарија 0-0
Македонија против селекција на Грузија досега во историјата има само три натпревари и тоа со две ремија и една победа во Тбилиси, онаа историската од 0-1 во финалето од Лигата на нации по која обезбедивме пласман на ЕП 2020. Двете ремија се од минатогодишната Д-Лига на нации кои завршија без победник, (1-1).
Со Гибралтар, пак, Македонија има само два натпревари од онаа првата Д-Лига на нации. Победивме на двата натпревари, со 4-0 во Скопје и со 0-2 на гостински терен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА