Ракометарите на Бутел ја забележаа втората победа во плејофот на Суперлигата откако на домашен терен во драматичен меч го совладаа составот на Струга со 22-21. Домаќините во поголемиот дел од мечот ја контролираа играта, во неколку наврати имаа и предност од четири поени, а „сино-белите“ одолеаја на налетот на гостите во самата завршница и забележаа значајна победа.
По изедначениот натпревар на отварањето на средбата иницијативата први ја превземаа ракометарите на Бутел кои преку мини серија од 2-0 го превземаа водството на натпреварот. Домаќините продолжија да ја контролираат играта и во неколку наврати имаа предност од три разлика, но сепак со подбра игра во самиот финиш на првото полувреме Струга намали на два гола негатива (12-10).
Гостите ја вратија резултатската неизвеснот на самиот почеток на второто полувреме, а во серијата од 3-0 стигнаа и до втората предност на натпреварот (12-13). Бутел повторно го наметна своето темпо и ја врати предноста која во еден момент изнесуваше и +4 (19-15), но падот во играта на „сино-белите“ го искористија гостинските ракометари, кои успеаја повторно да го изедначат резултатот, но немаа сили и за нова предност. Бител во самата завршница ја врати позитивата од два гола, а гостите само го ублажија поразот.
Душан Трифковиќ беше првото име во редовите на скопскиот состав со 7 гола, додека него го следеше Мирко Мајиќ со 4 погодоци. Кај гостинскиот состав најрасположен со 9 гола беше Вукашин Ракочија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА