Дербито на петото коло од Лигата на Шампионите му припадна на Манчестер Сити кој со 2-1 славеше над ПСЖ на „Етихад“. Англискиот тим беше подобриот противник во првото полувреме, но не стигна до погодок во мрежата на парижани, а промашените шанси на домаќинот ги казни Мбапе во 50. минута.
Сепак до крајот на средбата Манчестер Сити успеа да направи целосен пресврт со головите на Стерлинг и Габриел Жезус, а трагичар за гостите беше Нејмар кој пропушти одлична прилика за изедначување на 2-2. Бразилецот кој во текот на натпреварот се караше со соиграчите, по завршувањето на истиот наиде на жестоки критики од француската јавност.
Покрај тоа што 29-годишникот го нема во одбраната, сега кризира и во нападот. Имено, на последните седум средби бразилскиот напаѓач нема постигнато гол, ниту пак асистирано до соиграчите, што за него е најдолга „црна низа“ во кариерата.
🇧🇷 Neymar n’a pas été décisif lors de ses 7 derniers matchs disputés en @ChampionsLeague (0 but, 0 passe décisive). La pire série de sa carrière dans la compétition. #MCIPSG
— Stats Foot (@Statsdufoot) November 24, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
