Македонскиот прволигаш Работнички утре ги почнува летните подготовки за настап во квалификациите за Лигата на Европа и домашните предизвици во следната сезона. „Романтичарите“ веднаш ги очекува пеколно темпо на работа. Тренерот Ѓоре Јовановски ја закажа првата прозивка на тимот за 7 часот наутро, а половина час подоцна ќе биде одржан и првиот тренинг, футинг.
Во 11.30 часот ќе следи вториот тренинг во сала за кревање товар, а третиот ќе се одржи од 19 часот на помошното игралиште во сопствената база.
„Не очекуваат големи предизвици, настап на европската сцена и треба соодветно да се подготвиме. Веднаш почнуваме со напорна работа“, истакна шефот на стручниот штаб, Ѓоре Јовановски, за официјалниот сајт на клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
