Во последниот натпревар од АБА2 „балонот“ во Сараево, МЗТ Скопје не успеа да дојде до максимално три од три, доживувајќи пораз од Младост Земун со 75-82.
А, на една минута пред крајот на крајно неизвесниот натпревар МЗТ Скопје имаше предност од 75-72. Сепак противниците реализираа пет едноподруго поени за 75-77 на само 26 секунди до финишот. Во следниот напад Олуџоби погреши кај македонскиот тим, а во последните секунди Младост со нови поени заокружи за конечни 75-82.
Претходно, се играше во „топло-ладно“ стил низ претходните три четвртина со израмнет резултат и предност од 37-30 за МЗТ Скопје на полувремето.
Најефикасен кај МЗТ Скопје беше Олуџоби со 18 поени, а 14 поени постигна Мекиќ. Во победничкиот тим се издвои Милосављевиќ со 17 поени.
„Металците“ по оовој пораз останаа на шест победи и сега со четири порази на четвртото место. На врвот од табелата се Студентски центар со девет победи и еден пораз и Борац Бања Лука и Спарс кои имаат по седум победи и три порази.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
