Навивачите на Легија Варшава повторно предизвикаа немили сцени на фудбалските терени. На синоќешниот натпревар од Лигата на Европа против Лестер, околу 100 хулигани од Варшава се впуштија во пресметката со полицијата на трибините.
Полјаците уште еднаш покажаа дека се едни од најжестоките ултраси во Европа, сами предизвикувајќи нереди откако тргнаа во напад на полицијата.
Навивачите на Легија Варшава најпрво се одлучија да се пробијат до трибината со навивачи на Лестер, а потоа се судрија и со полицијата.
Legia Warsaw fans trying to get to the Leicester supporters and some are scrapping with police who’ve increased their presence in that corner during the second half. pic.twitter.com/4tnNZANWb7
— Mr Geoff Peters (@mrgeoffpeters) November 25, 2021
Лестер славеше на натпреварот со 3-1 издвојувајќи се на врвот од табелата во групата со осум бода, пред Спартак Москва и Наполи кои имаат по седум бода, а Легија е последна со шест бода. Лестер ќе игра со Наполи во последното коло, а Легија на домашен терен го пречекува Спартак од Москва.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
