Марсело Брозовиќ ова лето заминува од Интер по осум и пол години и кариерата ќе ја продолжи во Саудиска Арабија каде ќе настапува заедно со Кристијано Роналдо во Ал Наср.
Хрватот притоа ќе стане и најплатениот фудбалер на просторите на поранешна Југославија со годишни примања од 20 милиони евра, осум милиони евра повеќе отколку што му е договорот со Интер, или еден милион повеќе од сумата која ја заработува Лука Модриќ во Реал Мадрид.
Брозовиќ кој настапи на 330 натпревари за италијанскиот прволигаш, а постигна 31 гол и 43 пати асистираше до соиграчите веќе подолго време се поврзува со заминување од „Сан Сиро“ каде и покрај тоа што има договор до 2026 година големата плата создава и големи проблеми за „нероаѕурите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
