Барселона покажа апсолутна немоќ на натпреварот против Баерн што каталонскиот гигант заслужено го загуби на домашен терен со убедливи 0-3.
Роналд Куман постави неславен рекорд, бидејќи ова е првпат во клупската историја Барселона да загуби три домашни натпревари во Лигата на Шампионите. За трагедијата да биде уште поголема, трите порази се со по три гола разлика (Јуве со 0-3, ПСЖ со 1-4 и Баерн со 0-3), како јасен доказ колку многу заостанува Барса зад најдобрите европски клубови во моментов.
Каталонците немаа ниту еден шут во рамките на голот на противникот, што е првпат вакво нешто да се случи на меч на „Камп Ноу“ во ЛШ уште од 2003 година.
Куман ќе има полни раце работа, но тешко е да се поверува дека за кратко време ќе успее да состави тим и колектив способен да се носи со гигант како Баерн Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА