Македонскиот репрезентативец Илија Несторовски беше претставен како нов фудбалер на калчолигашот Удинезе. Тој на официјалната прес-конференција вели дека е благодарен на сите за одличниот прием и се надева дека со одличните игри ќе ја оправда довербата која му е дадена од клубот.
„За мене трансферот во Удинезе е чекор напред во кариерата. Се надевам дека со моите игри ќе ја оправдам довербата која ми ја даде клубот. Знам се за клубот и за секого тука во Удине, бидејќи јас дишам за фудбалот и сакам да бидам во тек со се. Одлично се сложувам со сите напаѓачи во клубот и се надевам дека ќе имаме одлична сезона“, изјави Несторовски.
Нестор-гол веќе го имаше и својот деби настап за Удинезе, а постигна и два гола на мечот против италијански четвртолигаш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
