Шокантни вести доаѓаат од Белград. Генералниот менаџер на Партизан, Данко Лазовиќ, бил нокаутиран од фудбалерот Стефан Милиќ.
Според информациите на порталот ‘Директно’, Лазовиќ разговарал со фудбалерите на Партизан во видливо алкохолизирана состојба. Бил доста непријатен, особено кон стоперот Стефан Милиќ.
Директорот на тимот од Хумска прво вербално го нападнал Милиќ, а потоа започнал физичка пресметка, која црно-белиот дефанзивец првично ја избегнал и го замолил да престане со грубото однесување.
Сепак, директорот продолжил да навредува, по што Милиќ реагира и го нокаутирал Лазовиќ. Понатамошен потежок конфликт бил спречен од другите фудбалери кои биле таму, но штетата веќе била направена.
Засега, клубот не објавува ништо околу оваа ситуација. Партизан е претпоследен во Суперлигата на Србија. Тимот игра очајно, доаѓаат лоши резултати, а подобрите денови, кои беа најавени, се далеку од реалноста.
Наскоро ќе се знае дали црногорскиот претставник ќе ги сноси последиците за нокаутирањето на директорот или Лазовиќ ќе понуди оставка. Сцени како оваа тешко можат да останат без одглас, особено во клуб чие име со години се поврзува со големи амбиции и силен јавен притисок.
Како и да е, „црно-белите“ сега се соочуваат со период во кој, освен спортските предизвици, ќе треба да покажат дека се способни да воспостават ред и да го вратат фокусот на најважното нешто – фудбалот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
