Никогаш не ги отпишувајте Германците: Крос со супер-гол за триумф во последен час

  • Екипа
  • 23.06.2018 / 21:56
  • СПОДЕЛИ:

Актуелниот светски првак Германија беше на работ на амбисот и можна елиминација по првата фаза од Мундијалот, но сепак во последен момент стигна до триумф (2-1) против Шведска во второто коло од групата Ф. „Панцирите“ имаа негатива од 0-1, во финишот и играч помалку, но Тони Крос во петтата минута од судиското продолжение постигна прекрасен гол за триумф.

Ола Тоивонен во 32.минута ги шокираше Германците откако излезе сам пред Мануел Нојер и мајсторски го лобуваше за водство. Марко Ројс израмни на самиот почеток од второто полувреме, а Германија долго го бараше победничкиот гол. Боатенг заработи црвен картон во финишот, а Џулијан Брант во судиското продолжение го погоди дирекот од голот на Швеѓаните.

И на самиот крај, во петтата минута од судиското продолжение, по прекин, Тони Крос  изведе мајсторија и донесе триумф за Германија од 2-1.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...