Нојер, Лев и Лопетеги… но кој друг не гласал ниту за Меси, ниту за Роналдо

Кристијано Роналдо и Лионел Меси со години наназад водат битки за индивидуалните награди на ФИФА и на Франс Фудбал, а исклучок не беше ниту овогодинешното издание на признанијата „The Best” во кои Португалецот се закити со наградата за најдобар светски фудбалер за изминатата сезона.

Двајцата ривали вообичаено не си даваат гласови еден на друг, па португалскиот капитен гласаше за соиграчите од Реал, Модриќ, Рамос и Марсело, додека Меси ги избра Суарез, Иниеста и Нејмар при своето гласање.

Интересно е што вкупно 19 селектори, капитени и новинари решија во своето гласање да не им дадат ниту по еден глас на двајцата главни фаворити. Меѓу нив се наоѓа и германскиот капитен, Мануел Нојер, кој за свои адути ги избра Тони Крос, Роберт Левандовски и Артуро Видал, но и селекторот на светскиот шампион, Јоаким Лев, кој ги избра своите фудбалери Крос и Нојер пред Нејмар на третата позиција.

Шпанскиот кормилар Лопетеги исто така се наоѓа на листата на оние кои не гласаа ниту за Роналдо, ниту за Меси, на која се уште и грчкиот селектор Скибе, потоа велшкиот кормилар Колмен, но и тренери и капитени од Белизе, Барбадос, Макау… како и еден новинар од Еритреа.

 

КАПИТЕНИ

Марио Харте (Барбадос) – Обамејанг, Гризман, Нојер

Елрој Смит (Белизе) – Рамос, Нејмар, Санчез

Чен Ји-Веи (Тајван) – Ибрахимовиќ, Марсело, Санчез

Мануел Нојер (Германија) – Крос, Левандовски, Видал

Ентони Грифит (Монсерат) – Суарез, Кејн, Канте

Мбвана Самата (Танзанија) – Нејмар, Канте, Обамејанг

Кавин Тамасачанан (Тајланд) – Нојер, Крос, Гризман

Шелдон Бато (Тринидад и Тобаго) – Буфон, Канте, Нејмар

СЕЛЕКТОРИ

Ендрју Орд (Бангладеш) – Суарез, Гризман, Буфон

Ахмед Мохамед (Барбадос) – Обамејанг, Канте, Нејмар

Ричард Орловски (Белизе) – Левандовски, Буфон, Иниеста

Јоаким Лев (Германија) – Крос, Нојер, Нејмар

Михаел Скибе (Грција) – Крос, Азар, Обамејанг

Стивен Филип Константин (Индија) – Обамејанг, Канте, Крос

Теодор Витмор (Јамајка) – Нејмар, Рамос, Видал

Чан Хиу Минг (Макау) – Буфон, Левандовски, Модриќ

Хулен Лопетеги (Шпанија) – Рамос, Карвахал, Иниеста

Крис Колмен (Велс) – Рамос, Модриќ, Кејн

НОВИНАР

Михаел Сеиум (Еритреа) – Нејмар, Обамејанг, Алексис Санчез