Уште една одлична ноќ на Лука Дончиќ во НБА лигата. Во победата на Далас против ЛА Клиперс од 105-89, Дончиќ постигна 42 поени, со шест скока и девет асистенции.
Мемфис го совлада Мајами со 89-85, а на гостите не им беше доволен ниту расположениот Батлер со 24 поени.
„Трипл-дабл“ ефект на Џејмс Харден за победа на Бруклин против Индијана од 115-124. Харден мечот го заврши со 40 поени, 10 скока и 15 асистенции.
Одличен меч имаше и Пауел кој постигна 43 поени за Торонто против Детроит, но тоа не беше доволно затоа што Пистонс славеше со 116-112 на крилјата на Беј кој заврши со „дабл-дабл“ од 28 поени и 12 скока.
Портер со 28 поени и 13 скока го предводеше Денвер до победа против Шарлот, додека Голден стејт го надигра Хјустон и славеше со 94-108.
Кливленд беше подобар од Бостон с0 117-100. Секстон постигна 29 поени, колку Татум кај Бостон.
Вистинска драма имаше на натпреварот во Вашинтгон на кој домашните загубија од Сакраменто со 119-121. Бил со 29 поени беше прво име кај Вашингтон, додека Фокс со 28 поени беше најрасположен кај Кингс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
