Швајцарската тенисерка Белинда Бенчиќ застана во одбрана на Новак Ѓоковиќ, кој беше нападнат поради предлогот за поблаги мерки за тениските играчи кои се наоѓаат во карантин. Новак, Рафаел Надал и Доминик Тим имаат подобри услови и сместување од другите, а нов проблем за другите тенисери е што голем број од нив мораа да бидат во изолација 14 дена, бидејќи патуваа со авион во кој беше заразено барем едно лице.
Новак испрати барање со шест предлози за поблаги мерки, но сè беше одбиено, а тој доби и големи критики. На оваа тема се обрати и Бенчиќ, која имаше храброст да го спомене Новак и да му даде целосна поддршка.
„Можам да разберам дека има една група тенисери во Аделаида, тие се најдобри, најголеми во нашиот спорт. Треба да престанат зборувањата за еднаков третман“, рече Бенчиќ.
Таа исто така беше принудена да тренира во карантинската соба, па се осврна на предлозите на Новак.
„Би сакал да му симнам капа на Новак Djоковиќ и неговиот потег, иако претрпе удар од играчите и јавноста, тој е единствениот привилегиран што нешто предложи за нас“, додаде таа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
