Не му тргна добро на македонскиот репрезентативец Ѓоко Зајков во дресот на Славија Софија. После автоголот во Купот пред неколку дена против ЦСКА, Зајков си постигна и втор автогол, и тоа денеска во првенството во плеј-офот против шампионот Лудогорец, кој ја одбрани титулата со оваа победа.
Зајков во 14. минута му донесе водство на тимот на Лудогорец, а потоа само две минути подоцна противникот зголеми на 2-0. На крајот имаше водство Лудогорец и 4-0, додека Славија во финишот само успеа да намали.
Зајков играше до 60. минута и при 4-0 го напуши теренот. Стартер во Славија беше и ветеранот Дарко Тасевски, кој играше едно полувреме, кога беше заменет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА