Јирген Клоп не може да крене глава од проблеми поради повредите на своите фудбалери за време на репрезентативните настапи, откако на листата на повредени играчи од денеска се приклучи и Наби Кеита. Репрезентативецот на Гвинеја настрада при еден дуел на мечот со Руанда, а најдобар доказ за сериозноста на проблемот е што Кеита го напушти теренот качен на грбот на еден од репрезентативните колеги.
Речиси сигурно е дека засилувањето од Лајпциг ќе го пропушти саботниот дуел со Хадерсфилд, како и наредниот меч од ЛШ против Црвена звезда, а по неговото враќање во Ливерпул ќе биде познато колку ќе изнесува неговата пауза од терените.
Во меѓувреме, добра вест за Клоп е што повредите на Мохамед Салах и на Садио Мане не се премногу сериозни, па двајцата офанзивци би можеле да бидат „фит“ веќе за дуелот со Хадерсфилд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА