Кошаркарите на АВ Охрид запишаа уште еден пораз во регионалната АБА-2 лига. Охриѓани на домашен терен беа поразени од словенечкиот тим Приморска со 58-94.
Словенците се меѓу фаворитите за пласман во плеј-офот во ова натпреварување, а фаворитската улога ја потврдија и во дуелот со Охрид во кој беа убедливо надмоќни од почеток до крај. Гостите ефикасно го отворија натпреварот и со серија тројки поведоа со 0-13, а потоа рутински ја задржаа предноста до финишот.
Ферме со 18 и Морина со 13 поени беа најефикасни во победничкиот тим, а кај АВ Охрид се истакна Рос со 22 поени.
Во следното коло од АБА-2 лигата, АВ Охрид му гостува на Борац.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
