Ник Кирјос обезбеди пласман во третото коло од турнирот Мареј Ривер Опен. Тој успеа да го победи Хари Буршје со резултат од 6-2 и 7-6. „Лошото момче“ на светскиот тенис повторно предизвика скандал. На крајот од вториот сет, поминаа 25 секунди за сервис и судијата го предупреди Кирјос. Ова толку го налути Австралиецот, што тој седна на клупата и одби да го продолжи натпреварот.
Наскоро, организаторите се појавија на теренот и го молеа Кирјос да го продолжи мечот.
„Изгубив доволно пари заради вакви судии“, рече Кирјос, кажувајќи му на судијата дека тој е само статист кој се грижи сè да оди како што треба.
По неколку минути Кирјос успеа да се смири, па спаси три сет-топки и успеа да обезбеди пласман во тертото коло, каде за противник ќе го има Борн Чориќ.
Drama Down Under ?
Kyrgios didn’t enjoy receiving a time violation for this…#MurrayRiverOpen pic.twitter.com/9UHOlnWfZV
— Tennis TV (@TennisTV) February 3, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
