Фудбалерите на ВБА синоќа на домашен терен го совладаа Саутемптон со 3-0 во натпреварот од 31-то коло во Премиер лигата. ВБА не се откажува од борбата за опстанок во друштво на најдобрите и синоќа играчите на овој тим дојдоа до многу важни три бода.
Сепак, и овој натпревар не можеше да помине без скандал, особено кога станува збор за употребата на ВАР технологијата.
Овој пат, ВАР го поништи чистиот гол на домашниот тим затоа што судиите гледале во сосема погрешен играч во спорната ситуација. Имено, голот го постигна Мбаје Дијагне кој беше во дозволена позиција, но цело време се гледаше позицијата на Кајл Бартли, кој беше зад него во офсајд, но воопшто не учествуваше во акцијата.
После мечот се појави бизарно објаснување дека едноставно поради положбата на камерите, тие не можеле правилно да ја повлечат линијата и да видат каде всушност стои Дијагне и дали е во офсајд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
