Анџелика Митрашиновиќ и Будуќност во два дена забележаа две убедливи победи над Партизан во женската конкуренција на АБА лигaта. По вчерашната победа од 82-57, сега црногорскиот состав славеше со 64-97.
Капитенката на македонската репрезентација на овој натпревар помина нешто повеќе од 18 минути на паркетот во кои забележа седум поени, надополнети со пет асистенции, две украдени топки и еден офанзивен скок.
Како потсетување, Македонката во првиот натпревар помеѓу овие две екипи постигна 14 поени, четири скока, три асистенции и една украдена топка.
Црногорскиот состав првиот дел од сезоната го заврши на првото место на табелата со скор од седум победи и еден пораз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
