ЕКИПА во Дебрецин,
Стеван Цаневски
Репрезентацијата на Црна Гора се соочи со нови проблеми откако и првите тестирања во Дебрецин покажаа позитивни случаи на коронавирус во редовите на противникот од групата А на Македонија.
Црногорците мака мачат од самиот почеток на подготовките, па во Унгарија допатуваа без селекторот Рогановиќ, како и без стандардните репрезентативци Симовиќ, Чавор, Божовиќ и Мијушковиќ. Денеска биле добиени резултатите од тестирањето веднаш по пристигањето во Дебрецин, при што се евидентирани нови три случаи во црногорскиот табор.
Денеска било извршено ново тестирање, а во црногорскиот табор постои стравување од дополнително ширење на вирусот, што би ја оставило оваа селекција со „осакатен“ ростер пред утрешниот дуел со Данска.
Црна Гора ќе се сретне со Македонија во второто коло од ЕП 2022, меч закажан за 15 јануари со почеток во 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
