Фудбалерот на Манчестер Сити, Родри, нема да биде во тимот за натпреварот од Премиерлигата во сабота против Евертон поради повреда на тетивата, објави тренерот на Сити, Пеп Гвардиола.
Шпанскиот репрезентативец се повреди на почетокот на месецот за време на победата на Сити над Брентфорд, по што мораше да го откаже учеството во квалификациските натпревари за Светското првенство против Грузија и Бугарија.
Минатогодишниот освојувач на Златната топка го пропушти поголемиот дел од минатата сезона поради повреда на вкрстените лигаменти и одигра девет натпревари за клубот и репрезентацијата оваа сезона пред повторно да мора да го напушти теренот против Брентфорд по само 22 минути.
Родри веќе имаше проблеми на почетокот на сезоната, бидејќи претрпе повреда на препоните на Светското клупско првенство, а во последните недели се пожали и на болки во коленото.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
