Нови проблеми за Покетино – Верати го пропушта Баерн Минхен?

Марко Верати ја напушти италијанската репрезентација по триумфот над Северна Ирска од 2-0 поради повреда, поради која ќе го пропушти натпреварот против Бугарија.

Оваа повреда носи нови главоболки и за тренерот на Пари Сен Жермен, Маурисио Покетино кој нема да може да смета на услугите на одличниот Италијанец во дербито во францускиот шампионат против Лил, а прашање е дали ќе биде подготвен и за првиот меч од четвртфиналето против Баерн Минхен во Лигата на шампионите.

Првиот дуел се игра на 7. април во Минхен, па се уште не е јасно дали ќе успее Верати до тогаш да се опорави. За потсетување и Баерн Минхен се наоѓа во големи проблеми, откако поради повреда четвртфиналето и дефинитивно ќе го пропушти Роберт Левандовски.

Се вчитува...