Управниот одбор на тенискиот Дејвис куп донесе одлука главниот шпански град, Мадрид да биде првиот домаќин на новиот формат на репрезентативното натпреварување. Во трката, Мадрид го победи Лил и ќе ги пречека најдобрите светски селекции во 2019 и во 2020 година.
Интернационалната тениска федерација со соработка со компанијата Космос на чие чело е Џерард Пике решија радикално да го променат форматот на Дејвис купот. Во иднината натпреварувањето ќе има турнирски систем.
Шампионот ќе го одреди седумдневен турнир на кој ќе се борат 18-те најдобри репрезентации. Место на турнирот кој ќе биде одржан на крајот од ноември 2019 година веќе имаат годинашните полуфиналисти Хрватска, САД, Франција и Шпанија како и Аргенитна и Велика Британија кои добија специјални покани. Останатите 12 места ќе бидат пополнети низ квафикации закажани за февруари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
