Наградата за најдобар тренер на сезоната во Евролигата му припадна на Јоргос Барцокас со што грчкиот стратег стигна до признанието број три од овој вид и се изедначи со српскиот стратег Жељко Обрадовиќ на вечната листа.
Деветкратниот шампион на Евролигата признанието за најдобар тренер на сезоната го освојуваше два пати како тренер на Панатинаикос и еднаш како тренер на Фенербахче, додека неговиот грчки колега три пати како предводник на Олимпијакос.
Интересно, и оваа сезона Обрадовиќ беше кандидат за престижната награда откако направи чудо со својот Партизан предводејќи ги „црно-белите“ до разигрувањето за титула каде сепак српскиот тим не успеа да го елиминира Реал Мадрид и покрај водството од 2-0 во четвртфиналната серија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
