Актуелниот европски одбојкарски шампион, селекцијата на Полска, обезбеди пласман во полуфиналето на ЕП откако во четвртфиналната пресметка со убедливи 3:0 во сетови ја совлада Германија.
Полските одбојкари уште еднаш потврдија дека се меѓу главните фаворити за златниот медал и вез проблеми со 25:23,25:17,25:17 ја совладаа Германија, која во осминафиналето со пресврт ја совлада Бугарија.
Полска од самиот почеток на натпреварот го наметна својот ритам, сервисот функционираше одлично, а беше добра и во реализацијата на нападите.
Германците најголемиот отпор го пружија во првиот сет во кој освоија 23 поени, додека во вториот и третиот сет, одбојкарите на Полска максимално ги користеа шансите и ги освоија сетовите со идентични 25:17.
Полска во полуфиналето ќе игра со подобриот од четвртфиналната пресметка Белгија – Словенија која ќе се одигра утре.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
