Феран Торес е главна тема на фудбалската јавност веќе неколку недели, откако неговиот гол во продолжението и ја донесе на Шпанија титулата светски шампион во финалето против Аргентина… Но, и не само поради тоа. По Мундијалот 2026 се погласни се шпекулациите дека би можел да ја напушти Барселона.
Иако Ханси Флик му даде доста време за играње на Феран минатата сезона и рече дека смета на него и оваа сезона, по Светското првенство, работите се променија.
Се шпекулираше дека ПСЖ покажал голем интерес за Феран и дека Луис Енрике инсистира на трансфер, а напаѓачот на Барселона нема ништо против промена на клубот.
Во Барселона не се откажуваат од Феран, но се свесни и за тоа како стојат работите. Ќе му понудат на Феран нов договор, но ако одбие, јасно му кажале што треба да направи ако сака да биде ослободен.
„Ќе те пуштиме во ПСЖ, но само ако официјално поднесеш барање за трансфер и кажеш дека сакаш да одиш“, наводно му рекла Барселона на Феран.
Исто така, Фабрицио Романо додаде дека во наредните денови работите би можеле да бидат појасни бидејќи се очекува ПСЖ да испрати официјална понуда за него.
Барселона подготвува нов договор, но доколку Феран навистина поднесе барање за трансфер, тие се подготвени да го продадат. Наводно, цената на Феран ќе биде најмалку 55 милиони евра, што е она што го очекува Барселона.
Патем, договорот на Феран истекува следното лето, и затоа Барселона не сака да прави проблем ако тој сака да си оди, за да можат да заработат барем нешто и да ја избегнат опцијата тој да замине бесплатно следното лето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
