Садио Мане ќе ги пропушти следните три англиски натпревари на Ливерпул како казна за црвениот картон заработен на премиерлигашкото дерби со Манчестер сити.
„Црвените“ испратија жалба до ФА со надеж дека ќе ја намалат автоматската казна што следи за секој директен црвен картон, но Дисциплинската комисија сепак реши дека стартот врз голманот Едерсон бил крајно остар и загрозувачки за противничкиот играч, па крилниот офанзивец нема да биде во комбинација за следните три меча, премиерлигашките дуели со Барнли и со Лестер, како и натпреварот од Лига-купот на Англија, на гостински терен против Лестер.
Мане ќе настапи за Ливерпул на утрешниот дуел од Лигата на шампионите, на домашен терен против Севилја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
