ОФИЦИЈАЛНО: Ал Ахли на специфичен начин со „роденденска честитка“ го промовираше Џани Алиоски! (ВИДЕО)

  • Екипа
  • 29.07.2021 / 19:42
  • СПОДЕЛИ:

Македонскиот фудбалски репрезентативец Езгијан Алиоски конечна ја заврши сагата околу идната своја кариера. И официјално Алиоски продолжува во Ал Ахли, клубот од првенството на Саудиска Арабија.

Ал Ахли на спeцифичен начин, со видео порака на македонскиот репрезентативец – испратена роденденска честитка до сопственикот на клубот, Маџед Алнефаие, официјално го промовираше Алиоски како свој нов фудбалер.

„Ал Ахли фанови, Ал Ахли семејство. Ова е специјален ден за мене, специјален ден и за господинот претседател Маџед на кого му е роденден. На денот на роденденот на господин Маџед и јас сум многу, многу возбуден што и јас официјално може да кажам дека стартувам нова фудбалска авантура со Ал Ахли. Се гледаме наскоро“ – вели во пораката Алиоски.

Претходно, на официјализирањето на договорот му следеа низа пресврти. Најпрво откако веќе беше објавено дека деталите се договорени, многу брзо потоа протече информација дека нашиот репрезентативец барал премногу пари и поради тоа од клубот се решиле да ги прекинат разговорите. Сепак, очигледно Арапите се предомислиле па не сакаат да штедат кога е во прашање нашиот Алиоски. На крајот договорот официјализиран. Според најавите, Алиоски ќе добие околу пет милиони долари за двегодишен ангажман во Ал Ахли.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...