Ерик Максим Чупо Мотинг е голгетерот што Баерн Минхен го доведе како резерва за Роберт Левандовски, откако актуелниот европски првак денеска и официјално го потврди едногодишниот договор со камерунскиот напаѓач. Тој доаѓа од редовите на ПСЖ, каде постигна 14 погодоци на 49 натпревари како резерва за Единсон Кавани и Мауро Икарди.
„Среќни сме што успеавме да го донесеме Ерик. Тој ни дава дополнителна опција во нападот, има искуство од ЛШ од настапите со ПСЖ, одлично ја познава и Бундес-лигата. Згора на тоа, доаѓа како слободен играч“, изјави директорот на Баерн, Хасан Салихамиџиќ.
Чупо Мотинг во кариерата има настапувано за Хамбургер, Нирнберг, Мајнц и Шалке, од Германија се пресели во Англија каде го носеше дресот на Стоук, по што следеше и трансферот во ПСЖ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
