Џоб Белингем, помладиот брат на англиската фудбалска ѕвезда Џуд Белингем тргна по стапките на својот брат потпишувајќи договор со Борусија Дортмунд за следните пет години.
Деветнаестгодишниот фудбалер исто како и неговиот брат потекнува од младинската школа на Бирмингем. Беше дел за сите помлади селекции, а во моментов е англиски репрезентативец до 21 година. За негов ангажман постоеше интерес и од Манчестер Сити, но по препорака на својот брат се одлучи за трансфер во германскиот гигант.
„Пресреќен сум што ќе го облечам дресот на Борусија Дортмунд и ќе се борам за трофеи со овој клуб. Ќе сторам се за да бидам успешен и да имам причини за славје со овие фантастични навивачи. Пресреќен сум и што ќе настапувам за Борусија на претстојниот клупски мундијал“, изјави Џоб Белингем, чиј трансфер ќе чини над 30 милиони евра.
Jobe Bellingham ist Borusse! 😍 pic.twitter.com/aa85v0EoNY
— Borussia Dortmund (@BVB) June 10, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
