Откако во текот на вчерашниот ден ги мина лекарските прегледи во клубот, и разрешени беа сите бирократски детали, македонскиот репрезентативец Дарко Чурлинов денеска стави потпис на четиригодишен договор со англискиот чемпионшиплигаш Барнли.
Трансферот на Чурлинов е комплетиран за пет милиони евра, па во наредниве часови се очекува само официјалната промоција на македонскиот крилен напаѓач во дресот на Барнли.
Германскиот новинар од „Скај Спорт Германија“, Флоријан Плетенберг, објави дека потписот со Барнли е ставен на договор до јуни 2026 година.
X News #Churlinov: DONE DEAL with @BurnleyOfficial now. He has signed his contract a few minutes ago. Medical done. @SkySportDE 🇲🇰 https://t.co/dptY95ltkC
— Florian Plettenberg (@Plettigoal) August 19, 2022
Согласно претходните информации, Штутгарт ќе добие вкупно 5 милиони евра, 3,5 милиони евра веднаш и уште 1,5 милиони евра преку бонуси.
Дарко Чурлинов претходно во својата кариера настапуваше и Келн, Штутгарт и Шалке 04 во Германија, сега доаѓа во Барнли како голема желба на тренерот Винсен Компани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
