Радамел Фалкао е и официјално нов член на Рајо Валјекано. Овој трансфер беше објавен на крајот од преодниот рок, но тогаш само на време Колумбиецот го раскина договорот со Галатасарај, и ништо конкретно не се договори.
Поради ваквиот потег, Радамел беше слободен да избере нова средина, а денес потпиша за „пчелите“ од предградието на Мадрид и со тоа се врати на европската сцена.
Фалкао одбележа прекрасна ера во Ла Лига, го носеше дресот на Атлетико од 2011 до 2013 година, а потоа потпиша за Монако и неговата кариера тргна надолу. Играше на позајмица во Манчестер Јунајтед и Челси, но никогаш не ја достигна својата најдобра форма. Тој се обиде да ја врати кариерата во Галата, пристигна летото 2019 година, но сега одлучи да го напушти Истанбул и да се врати во Мадрид.
Фалкао има 35 години и неговото искуство ќе им помогне на „пчелите“ во борбата за опстанок.
OFICIAL | @FALCAO nuevo jugador del Rayo Vallecano.
¡Bienvenido a Vallecas! ⚡️ 🐅 pic.twitter.com/rWYNto5JsF— Rayo Vallecano (@RayoVallecano) September 4, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА