Седумкратниот светски шампион Луис Хамилтон и следната година ќе биде дел од Мерцедес и Формула 1 караванот, потврдија денеска од германскиот тим. И покрај големото разочарување по последната трка во Абу Даби во која во последниот круг ја загуби титулата од Макс Ферстапен, Британецот сепак одлучи и следната година да биде дел од најбрзиот циркуз во светот.
Германскиот автомобилски гигант на своите профили на социјалните мрежи објави фотографија од Хамилтон на која го напишаа бројот „16“ потврдувајќи дека Британецот ќе ја вози својата шеснаесетта сезона во Формула 1 циркузот.
„Година број 16“, стои на објавата на Мерцедес.
Year 16. 🖤🤍 pic.twitter.com/cxNLGs6Ruo
— Mercedes-AMG PETRONAS F1 Team (@MercedesAMGF1) February 16, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
