Кошаркарите на Работнички убедливо ја стартуваа одбраната на шампионската титула откако денеска во рамките од првото коло рутински славеа на гостувањето против Охрид со резултат 52-94.
Уште пред мечот беше јасно дека разликата во квалитет е огромна, а избраниците на Марин Докузовски рутински ја оправдаа фаворитската улога на теренот. „Црвено-белите“ во првата четвртина постигнаа двојно повеќе поени од домаќините (14-28), а потоа подолгата клупа му овозможи на тренерот на Работнички да одмори дел од играчите, а сепак оние кои се наоѓаа на теренот да продолжуваат да ја зголемуваат позитивата се до конечните 52 поени разлика.
Кире Николовски беше најефикасен со 16 поени, по 12 постигнаа Ефремовски и Чавдар Костов, а еден помалку Бојан Крстевски. Најдобар стрелец на Охрид при првиот натпревар сезонава беше Хил со десет поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
