Кошаркарите на грчкиот Олимпијакос поведоа со 1-0 во четвртфиналната серија во Евролигата против турскиот Фенербахче откако вечерва на домашен терен славеа со 79-68.
Гостите од Турција подобро го отворија натпреварот и по десет минути игра имаа минимална предност од 19-21. До крајот на првиот дел домаќините заиграа далеку подобро и на пауза заминаа со предност од два поени 37-35.
Грчкиот тим одигра неверојатна трета четвртина во која го полнеше противникот буквално од секоја позиција, а по 30 минути игра домаќините стигнаа и до двоцифрена предност 63-51. До крајот Олимпијакос ја сочува предноста за конечен триумф од 79-68 и водство од 1-0 во четвртфиналната серија.
Везенков со 19 поени беше прво име кај победникот, додека кај поразените Мотли постигна 15.
Натпреварот број 2 кој исто така ќе се игра во Грција е закажан за во петок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
