Задржувањето на првото место на ВТА листата била единствената мисла во главата на Наоми Осака во текот на четвртфиналниот дуел против Белинда Бенчич во Мадрид. Јапонската тенисерка објаснува дека тоа е причината за поразот од 2-1 во сетови.
„Сите постојано ми велеа дека ако се пласирам во полуфиналето ќе го задржам првото место и јас сакав да го направам тоа. Во текот на мечот постојано мислев на тоа, а тоа воопшто не е добро за тенисот. Најдобро играм кога сум мирна, а во овој дуел тоа не беше случај“ – изјави Осака по поразот од швајцарската тенисерка.
Осака го презеде првото место на ВТА листата во јануари годинава кога на Австралија Опен ја освои втората грен-слем титула.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
