Шкендија забележа рутинска победа од 4-2 над Македонија ЃП и ја одржа предноста пред Вардар на врвот на табелата. Сепак, тренерот Ќатип Османи не криеше дека е разочаран од пристапот на својот тим откако победата веќе беше обезбедена, по големиот пад во играта на Шкендија што му овозможи на противникот да постигне два погодоци.
„Првото полувреме беше многу квалитетно, дадовме три гола и пропуштивме уште многу шанси. Во вториот дел повторно имавме моменти на слабост, упорно повторувам дека такви работи ни се случуваат, создаваме удобна предност, па се опуштаме. Не можам да критикувам кога ќе се одигра така моќно како во првото полувреме, но Шкендија е сериозен тим и треба да игра во исто темпо 90 минути, не смееме да се задоволуваме само со едно полувреме“ – истакна Османи.
Тој најави и дека на наредните натпревари шанса ќе им даде на дел од играчите кои не беа стандардни во досегашниот дел од сезоната.
„Оние играчи кои влегоа како резерви денеска ќе играат почесто до крајот на сезоната. Ќе им дадам шанса на што повеќе фудбалери кои не беа премногу активни досега, се надевам дека што поскоро ќе ја обезбедиме титулата за да немаме никаков резултатски притисок, иако нормално дека ќе бидеме максимално сериозни во пристапот на сите натпревари“ – порача Ќатип Османи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
