Гостувањето против поранешниот клуб Интер беше последен меч за Тијаго Мота на клупата на Џенова, откако претседателот Пречиози реши да му врачи отказ по убедливиот пораз од 4-0 на „Џузепе Меаца“. Аргентинецот не успеа да го разбуди тимот откако пристигна на кормилото во месец октомври, оттогаш Џенова славеше на само еден меч во Калчо-лигата, па новата тренерска смена во екипата на Горан Пандев стана неизбежна.
Дел од италијанските медиуми обелоденија дека веќе е избран и новиот стратег на Џенова, кој утре ќе пристигне од Уругвај. Стaнува збор за Диего Лопез, поранешен стратег на Калјари, Палермо и Болоња, кој последниот ангажман го имаше како предводник на Пењарол.
Официјализацијата на доаѓањето на Лопез се очекува во текот на утрешниот ден, а пред уругвајскиот стручњак е тешка задача, да избори опстанок во елитното италијанско друштво.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА