Со одигрувањето на денешните последни квалификациски натпревари познати се сите учесници на претстојниот европски шампионат, што во јануари 2022 година ќе се одржи во Унгарија и во Словачка. Македонија се пласира на ова ЕП како второпласирана во својата група, а со триумфот на денешниот дуел нашите ракометари ја елиминираа Швајцарија и им направи џиновска услуга на украинските ракометари, кои дојдоа до билет за ЕП како четврта селекција од третопласираните во сите групи.
Покрај двете земји-домаќини, автоматски пласман на овој европски шампионат имаа и финалистите од последното европско првенство, Шпанија и Хрватска. Пласман на европскиот шампионат како третопласирани покрај Украина обезбедија и БиХ, Полска и Литванија, а на почтокот од 20222 година како дел од континенталниот собир ќе ги гледаме и Данска, Македонија, Србија, Франција, Германија, Австрија, Русија, Чешка, Исланд, Португалија, Словенија, Холандија, Норвешка, Белорусија, Шведска и Црна Гора.
Македонија ќе се најде во третиот шешир при извлекување на групите за ЕП 2022, по што ќе биде познато и во која земја и кој град домаќин нашата селекција ќе ја игра првата фаза од овој шампионат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
