Италијанскиот второлигаш Палермо се спаси од исфрлање во понизок ранг на натпреварување, откако Судот во Италија ја прифати жалбата на сицилијанскиот клуб. Сепак, тимот на Илија Несторовски и на Александар Трајковски остана без плејофот за влез во Серија А.
Палермо се пласира на третото место во регуларниот тек од сезоната во Серија Б и требаше да игра во плејофот, но потоа беше покрената постапка против сопствениците за финансиски малверзации со клупската каса и Палермо беше исфрлен во Серија Ц. Сепак, по жалбата е одлучено дека Палермо нема да се сели во понизок ранг, туку дека ќе остане без 20 бода.
Палермо имаше 63 бода, а со одземените 20 бода, тимот со вкупно 43 бода финишира на 12. место во Серија Б.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
