Горан Пандев останува меѓу најдобрите пет зимски трансфери во историјата на Интер. Пандев во Интер дојде во јануари 2010 година и потпиша 4,5 годишен договор со екипата. Веднаш по неговото доаѓање на „Џузепе Меаца“ под ерата на Жозе Мурињо, успеа да ја освои европската шампионска титула, и уште двете круни во домашното првенство – Скудетото и италијанскиот Куп.
Пандев во септември во 2009 година побара официјален раскин на договорот, по што го доби на крајот од декември, и веднаш после неколку дена, поточно на 4. јануари потпиша договор со „нероазурите“.
Пандев во Интер се задржа две години, а потоа беше една сезона позајмен на Наполи. „Наполитанците“ го откупија неговиот договор од Интер во 2012 година, односно три години пред неговиот истек. Играше и во Галатасарај, а од 2015 година се врати во Серија „А“ во тимот на Џенова.
Инаку меѓу ТОП 5 зимски трансфери покрај Пандев се и трансферите на Адријано и на Кристијан Ериксен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
