Андриј Шевченко утре ќе го има своето деби на клупата на Џенова во која ја презеде тренерската функција. Тој ќе дебитира во мечот против Рома, а се очекува во стартниот тим да биде и македонскиот интернационалец Горан Пандев.
Горан Пандев говореше за доаѓањето на популарниот Шева во Џенова, но и за Жозе Мурињо кој сега е на клупата на Рома.
„Шева во Џенова? Тоа е важен потпис за амбициозен клуб. Андриј е шампион тоа го покажа и со Украина каде имаше одличен настап на Европското првенство. За Мурињо имам само пофални зборови. Тоа е човек кој ги промени моите погледи. Ме побара телефонски кога имав проблеми со Лацио и ме праша дали сакам да дојдам во Интер. Тоа беше исполнување на сонот за мене“, изјави Пандев.
Натпреварот меѓу Џенова и Рома ќе се игра утре во 20.45 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА