Со лекарските прегледи на фудбалерите, закажани за денеска, Академија Пандев ги почнува зимските подготовки за пролетниот дел од шампионатот.
По почетните лекарски прегледи, „пандевци“ утре од 14 часот веднаш почнуваат и со првиот тренинг во рамките на подготовките за продолжението од првенството. Шефот на стручниот штаб, Југослав Тренчовски од почетокот на подготовките ќе располага и со две нови имиња во тимот, Стојанче Велинов како и Кристијан Стојкоски кој доаѓа од редовите на Шкупи. Во составот на Академија Пандев се враќа и Мишов, кој изминатава полусезона беше на позајмица во редовите на второлигашот Тиквеш.
Веќе се закажани и првите две контролни средби против бугарските второлигаши Петрич односно Струмска слава на 20. јануари односно 23. јануари. Двете средби ќе се играат во Струмица.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
