„ОАКА Арена“ беше домаќин на завршниот турнир од Евролигата. Официјалниот домаќин на оваа сала, екипата на Панатинаикос, не беше таму, но најголемиот ривал на „зелените“ ја освои титулата во Евролигата токму во таа сала.
Олимпијакос беше подобар од Реал Мадрид во финалето на елитното европско натпреварување, со што стигна до четвртата титула во Евролигата. Во „ОАКА Арена“ можевме да видиме сцени што веројатно никогаш не се видени, што е целосна окупација од страна на црвено-белите навивачи.
Навивачите на тимот од Пиреја беа значително побројни од шпанските навивачи. Официјалниот број на навивачи на финалето беше 18.000, а најмалку 15.000 беа навивачи на Олимпијакос. Сепак, „зелените“ не останаа должнии и се огласија на социјалните мрежи.
„Процесот на дезинфекција и биолошко чистење во просториите и на трибините на „ОАКА Арена“ е завршен, така што тие се подготвени повторно да ги пречекаат навивачите на Панатинаикос“, се вели во соопштението на клубот со фотографии од луѓе кои вршат дезинфекција во заштитни одела.
Ολοκληρώθηκε η διαδικασία απολύμανσης και βιολογικού καθαρισμού στους χώρους και τις κερκίδες του T-Center ώστε να είναι έτοιμες να υποδεχθούν ξανά τους φίλους του Παναθηναϊκού AKTOR.#paobcaktor pic.twitter.com/6LLO4DlcGw
— Panathinaikos BC (@Paobcgr) May 27, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
