Поранешниот предводник на Вардар со кого клубот минатата сезона ја освои втората европска клупска титула, Роберто Парондо како селектор на Египет дојде до континенталната титула во Африка и обезбеди директен пласман на Олимписките игри во Токио. Во финалето на африканскиот шампионат, Египет славеше над бранителот на трофејот, Тунис со 27-23. На полувремето, тимот на Парондо имаше предност од 15-11.
Репрезентацијата на Египет беше супериорен ривал во финалето, а перфектно го одигра целиот шампионат и го комплетираше без пораз. Египет ќе биде домаќин на следното Светско првенство во јануари наредната година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
