Жељко Обрадовиќ конечно во третиот натпревар успеа да победи против Црвена Звезда по неговото доаѓање во Партизан, откако вечерва во 20. коло од АБА лигата во арената „Александар Николиќ“ „црно-белите“ славеа со 98-84.
Домаќините подобро го отворија натпреварот, погодуваа буквално од секоја позиција и по првите десет минути имаа водство од 28-21. Вториот период беше тотално различен. Двете екипи ги зацврстија одбраните и ако Партизан во првата четвртина сам постигна 28 поени, во втората двата тима заедно постигнаа 25, а на пауза „црно-белите“ заминаа со позитива од 40-34.
Гостите одлично го отворија второто полувреме. Играа полетно во нападот, реализираа од секоја позиција и успеаја пред последниот период целосно да се вратат во натпреварот и да го однесат во егал завршница (64-63).
Во последната четвртина Аврамовиќ буквално погодуваше од секаде и беше енигма за одбраната на „црвено-белите“, па на неговите крила Партизан успеа да стигне до конечен триумф од 98-84.
Токму Аврамовиќ со 33 поени (8/10) за тројка беше прво име во таборот на победникот, додека кај поразените Холинс заврши со 15 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
